7-SELECT聯乘OREO 推3款日本直送甜品

食甜品可以令人開心啲，黛安收到風，由明天（24日）起7-Eleven自家品牌7-SELECT，會推出8款日本直送甜品系列，售價由$10至$18，即使去唔到旅行，大家都可以隨時搵返屬於你嘅旅日滋味喇！幾款甜品都係選用日本北海道牛奶製成，其中3款係同人氣OREO首度聯乘合作，以OREO經典曲奇為靈感，配上北海道牛奶製成嘅曲奇忌廉，夠晒特別。

其中香軟綿密嘅特製瑞士卷配上OREO曲奇碎，必令你一試愛上；而7-SELECT x OREO曲奇忌廉泡芙就用北海道牛奶製成濃郁忌廉，配上OREO曲奇碎，食落啖啖好滋味。仲有曲奇忌廉盆栽甜品杯，由OREO曲奇糅合北海道牛奶忌廉，帶來雙重滋味。

此外，而家去7-Eleven買7-SELECT甜品，加$8就可加配7Café熱即磨咖啡1杯；如果加$10，就可以加配7Café涷即磨咖啡1杯，真係好抵呀。