7-11引入泰國人氣Hello Kitty彩粧 賣相吸引

Hello Kitty出道多年仍人氣高企，有佢個可愛「貓樣」嘅產品，都會令人愛不釋手。黛安收到風，最近7-Eleven首次帶來泰國3大化粧品公司KARMART，旗下品牌Cathy Doll與SANRIO聯乘推出嘅Hello Kitty彩粧系列，啱晒所有愛美一族。

黛安聽公關姊妹講，今次Cathy Doll與SANRIO聯乘推出嘅Hello Kitty彩粧系列，包裝以Hello Kitty為設計靈感，彩粧系列亦以粉色為主，等大家可以輕易打造出夢幻又自然嘅粧容，產品包括有唇彩、唇油、唇頰兩用慕絲、透明粉餅、胭脂、眉粉筆同卸粧濕紙巾，售價由$45至$60，例如唇彩、唇膏都只售$55，真係好抵啊。以上價錢有效期由6月10日至16日，大家快啲去掃貨啦。