希慎與逾100間商戶推電子現金券 冀提振經濟

疫情令大家少咗出街，公關姊妹話畀黛安知，最近希慎集團同超過100間商戶攜手推出商戶電子現金券，即日起至5月17日，每日早上10時起喺希慎Power Up網站，就可以用7折價錢買到呢啲電子現金券。黛安知道有唔少人氣品牌參與㗎，好似@cosme store、FRESH等，真係好吸引。零售商戶嘅禮券面額由$200至$1,500不等；餐飲商戶禮券分別係$100及$200。買禮券後會存入Lee Gardens App電子錢包，喺5月31日前去利園區內指定商戶就用得喇。

另外，希慎集團與商場商戶、本地藝術家同社福機構，將會聯手起動Hysan Power Up打氣活動，例如邀請香港插畫師Messy Desk，為活動創作「Hysan Power Up Together Wall！」；亦會透過支持「伸手助人協會」年度曲奇義賣，為更多長者提供照顧服務。集團亦喺社交平台推動「童心童畫」活動，邀請小朋友創作心意卡答謝醫護人員，真係好有心啊。