浸大贈前綫醫護5,000多份「防感方」

新冠肺炎病毒兇猛，一班喺前綫拼搏守護我哋嘅醫護人員，就更加令人敬佩。黛安知道，香港浸會大學噚日起送出5,000多份「浸大防感方」，給合適的醫院管理局嘅前綫員工。

浸大協理副校長暨曾肇添中醫藥臨床研究講座教授卞兆祥話，全球專家都有一致共識，就係應注意個人衞生同提升自身免疫力；要提升個人免疫力，除咗健康嘅生活習慣如適度運動、飲食均衡、同充足睡眠之外，仲有中醫嘅固本培元。

黛安了解過，此方由浸大中醫藥學院處方，採不含農藥和重金屬等有害物質的草藥提煉。除送畀前綫醫護人員，浸大自2月初同多個團體合作，免費供應予65歲以上長者同綜援家庭等，惠及約2萬人，好有愛。