清仔POP-UP Store 首次登陸一田超市觀塘店

香港人生活節奏急速，唔少人都試過用即食麵充飢，日清更係家喻戶曉嘅品牌。黛安收到風，由即日至3月25日期間，清仔一家會首次登陸一田超市觀塘店，屆時1.7米高嘅巨型立體清仔會坐鎮，同場仲有近百款日清人氣產品，包括碗麵、烏冬、果物穀物麥片、零食、蔬果汁等出售，大人同小朋友都啱食。

公關姊妹話，今次嘅推廣活動內容豐富，活動期間只要喺一田超市觀塘店購買日清產品滿指定金額，即可換領豐富獎品，例如購買麵類產品滿$120，可免費換領限量版「清仔兩用旅行袋」；購買任何KAGOME果汁，即送KAGOME番茄汁原材料——新鮮「凜凜子番茄」！其餘獎品仲有可愛度爆錶嘅熊本熊手挽袋、冰袋等，全部又靚又實用，黛安都約好姊妹去掃貨喇。