麥當勞同你邊玩邊學 推綫上遊戲 教製餐過程

小朋友平時喺麥當勞開餐，都會想學下點整漢堡包，嚟緊就有機會啦。

黛安講緊嘅係麥當勞最新「麥麥關心食得安心」綫上遊戲，畀小朋友穿着麥當勞制服，擔任餐廳小員工，體驗職場生活。其中最好玩一定係互動環節，小朋友可了解日常清潔流程同食品製作過程，例如牛肉漢堡要煎至特定溫度等。遊戲仲加入個人衞生元素，例如戴口罩同洗手方法，可以邊玩邊學習。

黛安知道喺疫情下，大家都好注意個人衞生。聽公關姊妹講，麥當勞採取咗多項措施，包括定時消毒自助點餐機屏幕、員工每小時都會洗手消毒、店內提供消毒搓手液，同埋定時消毒餐盤和枱面等，務求令客人同員工都可以安心咁喺麥當勞用餐同工作。

為咗令大家更安心，麥當勞將更多衞生問答更新至網站「你最關心的問題」頁面，如果想知道更多，例如「新型冠狀病毒疫情出現後，餐廳人員採取了哪些預防措施」等，大家可去呢個網頁https://www.mcdonalds.com.hk/ch/food/learn-more-about-mcdonalds-food/your-questions-answered.html搵到答案。

黛安都同大家一樣，都好關心疫情發展，希望疫情快啲過去啦。