玩光影互動 睇花漾佳餚 同情人甜蜜逛花花世界

話咁快就到情人節喇，點樣度過既浪漫又甜蜜嘅一日，真係考起唔少情侶啊。

黛安知道，Landmark North上水廣場最新打造咗個色彩斑斕嘅花花世界《幸福‧花見》活動，大家可以影靚相，睇展覽，開開心心留個甜蜜回憶。

公關姊妹介紹，上水廣場嘅《幸福‧花見》活動由即日至2月29日，中庭將會設有逾5米《花之饗宴》藝術館，利用Table Mapping光影體感互動裝置，將一道道花漾佳餚以光影透射於餐碟上，再配合體感自動感應，等大家以視覺、聽覺、嗅覺和觸覺360度身歷奇境，仲可以影到勁靚花海照片。遊戲完結後，會員仲可以獲得「花漾曲奇」乙份，同愛人一起品嘗！

與此同時，今次活動仲會聯乘花瓣藝術家黃曉陵舉行香港首個個人作品展，運用「花之國度」荷蘭常見嘅三色堇花瓣作為藝術語言，展示出超過20款以「花宴」為主題的全新作品。展覽會亦展示出12幅黃曉陵唔同時期嘅靜態攝影代表作品，用唔同種類嘅花瓣包裹樂器、日常用品同蔬菜水果，淨係聽都覺得好夢幻。

而為咗配合今次展覽主題，仲有個「喜雀」心形裝置畀大家盡情打卡。裝置上一對小鳥，沿用藝術家黃曉陵的創作元素，以寓意「思慕」荷蘭三色堇花瓣圖案覆蓋，而心形裝置背後有發光嘅心形木造雕塑，等大家可以同愛侶拍下最熱情嘅合照，大家快啲約好另一半去喇。