復古自拍 限定相框 K11打卡熱點迎情人節

仲有兩星期就到情人節，除咗有情人可以周圍放閃，未「脫單」嘅潮男潮女都有好多地方可以去，黛安知道尖沙咀嘅K11購物藝術館，由2月7日至3月1日準備咗一系列玩味藝術節目，包括超人氣SNAPIO韓式復古四格自拍亭、4大打卡熱點，更有6個IG大熱體驗工作坊，等大家可以用自信嘅微笑嚟迎接情人節！

聽公關姊妹講，極具話題性嘅韓式復古四格自拍SNAPIO早前登陸K11購物藝術館後，大玩復古風嘅黑白照片效果吸納咗一眾文青嚟朝聖，今個情人節SNAPIO仲會推出期間限定情人節相框，只要喺商場內指定商店作任何電子消費，成為KLUB 11會員後，同日就可以憑單免費換領SNAPIO自拍體驗一次。場內亦精心布置咗40米巨型塗鴉藝術牆、巨型SMILING WALL等4大打卡熱點等，大家更可在每個打卡點獲得一個SMILE CODE，以換領不同嘅Happy Surprise。

另外，由即日至2月9日，場內6間店舖分別設有皮革印花、香水吧、永生花藝術裝置、軟石戒指工作坊，以及KBAR皮革錶帶訂製及即場染色服務。

位於B2層Kiosk嘅FRESH Pop-up Store，更有SLASH界代表紋身師Cynthia設計嘅二人紋身，大家千祈唔好錯過喇！