名廚Airaudo來港開Amelia 望住維港歎歐式創意料理

黛安應公關界大哥Samson邀約，去咗喺尖沙咀海運大廈地下新開嘅Amelia試菜。

Amelia來頭不小，創辦人兼行政總廚Paulo Airaudo係世界級名廚，贏過唔少獎，差不多開每一間餐廳都會攞到米芝蓮嘉獎。Airaudo係意大利人，年少時移居阿根廷，家人鍾意煮嘢食，所以自小受薰陶。之後佢全情投身烹飪同旅遊，又周遊列國，喺墨西哥、秘魯及多個歐洲國家鑽研飲食，正因為佢嘅國際經驗，令佢嘅歐式創意料理多咗一個層次。喺San Sebastián嘅Amelia，開業6個月就攞咗米芝蓮一星。Amelia嚟香港開，大家有有口福喇。

聽Samson介紹，Airaudo嘅美食哲學係食材要簡單，再配搭多元化的烹調技巧製作不同的料理。

當晚Samson安排咗幾道Airaudo的拿手名菜，前菜係烤八爪魚配甜椒馬鈴薯醬（Grilled Octopus A la Gallega），香炸八爪魚配上口感輕盈的馬鈴薯醬，口味一新；之後係荷蘭生蠔配伊比利亞風乾後腿火腿、番茄及柚子（Fresh Oyster with Iberico Jamon , Tomato and Yuzu）生蠔嘅鹹鮮味配上以風乾後腿製成果凍，加上以番茄煉成的精華及柚子作配襯，鮮味、甜味及鹹香味交融，係要encore嘅前菜。

而喺San Sebastián嘅Amelia經典菜——自家製麵包配牛油牛骨髓（Home Made Bread with Bone Marrow），西班牙入口嘅Rubia Gallega烤骨分量恰到好處，牛骨髓配自製麵包牛油，食到停唔到口。

仲有大蜆及海膽西班牙圓米燉飯（Bomba Rice with Clams and Sea Urchin），用西班牙圓米飯配上新鮮海膽及大蜆，入口時有綿軟口感，海膽又特別受港人歡迎，差不多每張枱嘅客人都點這個菜。

Amelia Hong Kong喺海運大廈地下，望住維港，雖然啱啱開業，但生意好好，證明食客好有眼光。