帶子撈起 為新年帶來好兆頭 滿福樓矜貴盆菜 驚喜連連

每年黛安都去唔少團年晚宴，其中一個最期待嘅就係去滿福樓。好姊妹Cecilia Wong係萬麗海景酒店公關大家姐，她每年都為我哋帶來驚喜。而去嘅人大部分都是好朋友，有麥社長、Irene姐、小欣姐、青姐、William、Clement、Cally姐、James、Esther同Samson。

今年Cecilia先帶給大家一個驚喜，就係「帶子撈起」。用料非常豐富，一擺上枱，就畀色衫繽紛嘅賣相吸引。用帶子炮製撈起，可以提鮮，再加上清新可口嘅配料︰紅蘿蔔絲、青瓜絲、蔥絲等，每款材料都切成粗幼一樣嘅絲狀，盡顯師傅刀功；再配上特製醬汁及灑上芝麻等，令層次更豐富更鮮明。撈起近年十分受歡迎，大家一起用筷子把所有食材愈撈愈起，寓意風生水起，為新一年帶來好兆頭。大家一邊撈起，一邊拍片，十分熱鬧。

跟住就係矜貴嘅賀年盆菜，當中材料眾多，我哋像尋寶一樣，看看裏面究竟總共有多少款食材，有原隻二十五頭花膠、原隻鮑魚、原粒瑤柱脯、海參、北菇、蠔豉、蝦球、燒鵝、髮菜、貴妃雞、鵝掌、蘿蔔、枝竹同蓮藕，仲有精緻嘅「福」字蘿蔔等，寓意團圓、象徵盆滿缽滿嘅新春盆菜。

呢款咁精緻美味嘅盆菜由1月13日至31日期間供應，每位728元/4位起，最好係有外賣，自取連陶瓷器皿只需加250元。

期間，滿福樓行政總廚孫錦勝師傅還出來和大家打招呼，大家都讚師傅厲害，不斷推陳出新。黛安十分感激好姊妹Cecilia Wong，團年飯一年比一年精采，除咗free throw香檳外，還出動私伙威士忌和XO，不愧係威士忌達人！