尖沙咀海濱新年亮燈 拍賀年短片贏東京機票

下星期六已經係年初一，黛安收到風，尖沙咀中心、帝國中心和中港城由即日起至下個月8日，每晚都會亮起閃爍燈飾，為市民同旅客帶來賀年祝福。呢個多媒體幕牆燈飾係由13.4萬顆變色LED圓點燈組成，展示多款喜氣洋洋嘅動畫設計，包括巨型風車喺維港旁轉動起來，希望港人順風順水；仲有可愛嘅財神同活潑嘅「煎堆」角仔，祝願大家「煎堆碌碌，金銀滿屋」。

如果喺燈飾前拍攝創意賀年短片，將短片上載至TikTok、fb或Ig，並hashtag #TSTCNY，最具創意者仲可獲得雙人香港來回東京機票1套，或價值1萬元旅遊禮券，另設3名優異獎，可獲食肆1,000元現金券，2月24日喺尖沙咀中心、帝國中心和中港城fb專頁就會公布得獎名單。