7-Eleven首度聯乘Pablo 引入大阪熱門甜品

黛安同班姊妹都鍾意去日本旅行，尤其對當地嘅甜品，更加係食唔停口。7-Eleven公關姊妹又有好介紹，就係佢哋同源自日本大阪心齋橋、日本熱門手信、半熟芝士撻專門店嘅Pablo首度聯乘合作，大家唔使去日本都可以喺7-Eleven買到日本美食喇！

公關姊妹話，今次同Pablo合作嘅甜品以經典原味芝士撻做靈感，首度登場嘅香港限定口味，包括7-SIGNATURE x Pablo杏脯啫喱芝士忌廉泡芙，同埋杏脯啫喱芝士忌廉瑞士卷。

除咗甜品，即日起亦會推多款暖笠笠嘅全新冬日美食，包括味道濃厚嘅7-SIGNATURE香辣肉醬腸仔熱捲餅，同芝士火腿熱捲餅；下午茶仲可歎埋全新滋味小食－孜然鴨翼槌、菌菇三鮮蒸餃等，大家快啲去試勻各款美食啦。