東華三院社企炮製 總廚級賀年糕點

最近黛安已開始忙緊陪屋企人shopping辦年貨。想消費之餘又可支持社企，黛安知道，東華三院社企煮餸易（CookEasy）今年推出咗兩款師承陽明山莊明園總廚黃浩初的賀年糕點，選用清甜多汁日本大根蘿蔔同公平貿易有機蔗糖為材料，CookEasy更首度推出手工製XO醬，選用大量瑤柱絲、鹹香蝦米同金華火腿等矜貴材料製成，搭配日本大根蘿蔔糕，最啱用嚟送禮。

公關姊妹話，CookEasy廚師團隊特地喺9月時到訪陽明山莊明園，向總廚黃浩初師傅學藝，黃師傅更親身示範製作糕點。現時賀年糕點和手工製XO醬已喺CookEasy網店上架，即日起至1月10日接受訂購，詳情可留意cookeasy.tungwahcsd.org，如有查詢，可致電2562 5878或2562 5900。