樹屋進駐綠楊坊 同La La Woodland過聖誕

擁有一間樹屋，相信係好多人嘅童年夢想。嚟緊趁佳節去荃灣綠楊坊，就可一圓大人同小朋友嘅聖誕夢。公關姊妹話，今年請到La La Woodland一班動物朋友着晒聖誕服裝，喺正門森林樹中呈現「禮物屋」、「食大餐」等開心場景；樹屋度仲有「微珍館」，將角色日常生活呈現大家眼前。

黛安知道，即日起至1月1日喺商場買嘢，仲有機會獲贈精美嘅La La Woodland貼紙、布袋等禮品，同時可參加大抽獎，最高可攞到1萬蚊現金券去掃聖誕禮物。