殘疾人士本周日免費搭新巴城巴

殘疾人士權益一直備受關注，每年12月3日係國際復康日，多個社會服務機構都會聯同政府部門籌辦地區慶祝項目，各界亦會為殘疾人士推出特別措施。

黛安聽到新巴城巴公關姊妹講，佢哋會率先響應活動，今個星期日（11日）乘客只要出示「殘疾人士登記證」，或使用經註冊嘅個人八達通，就可以帶埋一名同行照顧者免費乘搭新巴及城巴所有路綫，幫到行動唔方便嘅朋友之餘，又可推廣傷健共融嘅信息。