「香港迪士尼樂園10K Weekend 2018」 同PIXAR朋友齊齊跑

熱愛運動嘅黛安知道，香港迪士尼樂園度假區喺今個周末（3日及4日）將舉行第3屆「香港迪士尼樂園10K Weekend 2018」，今年以風靡全球嘅迪士尼‧彼思動畫為主題，分別設有「超人特工隊10公里跑」、「怪獸大學5公里跑」、「反斗奇兵3公里跑」等項目，跑手仲可以換上迪士尼‧彼思主題嘅打扮參賽。今屆破紀錄有逾1.3萬名健兒參加，仲有黃金寶、傅家俊等多名著名運動員參與，搞到黛安都好想玩埋一份。

黛安咁啱認識一對準備明年初結緍嘅年輕情侶，佢地喺籌備婚禮過程中，希望做一樣從未做過嘅事，喺婚前有個難忘體驗，遂報名參加人生第一個10K跑步比賽。

浸大體育及運動學系副教授雷雄德同黛安講，比賽當日唔好着新跑鞋，如果唔係就好易起水泡，大家記緊要小心備戰啦。