海港城 × Jaime Hayon 換限量版雨傘籌善款

海港城啱啱舉辦完西班牙鬼才設計師Jaime Hayon嘅展覽，將海運大廈露天廣場打造成超乎想像嘅大型遊樂園，黛安都有去參觀，而聽公關姊妹講，嚟緊海港城會再同Jaime Hayon合作推限量版遮，令每個人都有機會擁有Jaime Hayon嘅作品，仲係為「香港血癌基金」籌款，真係好有意義。

公關姊妹同黛安講，大家只要喺指定日期內喺海港城任何零售同埋餐飲商戶，以指定電子貨幣，包括EPS、信用卡、八達通、Apple Pay、Android Pay、微信支付同埋支付寶消費滿$2,000蚊或以上，憑當日機印發票同埋電子貨幣存根正本，並捐款$100蚊予「香港血癌基金」，就可換到一把限量版遮，換領日期同地點係11月9至11日同埋11月16至18日、海港城海洋中心三樓。

黛安睇過把限量版長柄遮，上面印咗趣怪嘅動物雕塑造型，無論係用色定構圖都好獨特，用咗藍色背景再加上橙色動物圖案，等大家喺落雨嘅日子都可加多啲色彩，非常符合Jaime Hayon奉行「以趣味角度看待生活」嘅人生哲學；而且每把遮柄仲加咗一個獨特嘅黃色馬騮頭，同款馬騮頭曾出現過Jaime Hayon喺海港城展覽嘅其中一個裝置上，真係好有心思！