香港迪士尼樂園 為亞運及亞殘運港隊祝捷

今年港隊代表喺亞運同亞殘都有好表現！迪士尼為咗表揚佢哋，日前特別喺樂園度假區舉辦咗大型祝捷慶典，有近百名運動精英，當中包括近40名得獎運動員出席，一班迪士尼朋友都現身同一班得獎運動員、代表團成員喺美國小鎮大街參與巡遊，港隊成員仲一齊欣賞「迪士尼飛天巡遊」！

香港迪士尼樂園度假區行政總裁劉永基話，好多謝運動員嘅努力同埋對香港體育發展嘅貢獻，希望透過今次慶祝活動，鼓勵運動員繼續努力，不斷突破自己。

而今屆亞運壁球女子團體賽金牌運動員歐詠芝就勉勵大家，要有夢想同相信自己嘅能力，只要朝着目標勇敢追夢，終有一日可以成功，而且唔好輕易放棄夢想。黛安聽到都覺得好勵志呀！