e-zone創刊廿周年 專業講座談科技趨勢

想睇科技嘢，黛安一定揀《e-zone》。適逢今年創刊20周年，《e-zone》上星期五（21日）再搞咗第二場「e-zone 20周年科技趨勢講座」，仲同搵工最佳夥伴CTgoodjobs合作，以「AI x HR實戰講座-科技提升人才管理效率」做主題開講，吸引咗接近100位HR專業人士參加，場面相當熱鬧。

香港人力資源管理學會院士黃偉華話，AI人工智能唔係只用單一途徑，而會用多角度觀察公司所需，同要謹記科技必將改變商業世界運作，做人力資源管理一定要keep住配合科技發展。

Jedies Advance Technology人工智能科學顧問鄧熾承博士都話，AI系統最大優勢，在於能夠撇除人嘅主觀因素，可以用比人類更客觀角度分析公司嘅真正需要。