買花茶送禮 兼助長者基層

香港基督教女青年會最近推出咗中秋花茶禮盒「ChariTea月滿相聚特別版」，黛安知道禮盒收益扣除成本後，收入會用於支援機構嘅長者義工飯堂、基層家庭食物券等。由2014年起，香港基督教女青年會旗下嘅深水埗誌寶松柏中心，每星期會安排一次義工飯堂，為基層長者送免費午餐；亦為家庭有經濟困難嘅兒童及長者，提供每月250元嘅食物券。如果喺下星期一（27日）前訂購仲有早鳥優惠，原價每盒100蚊嘅禮盒，90蚊就買到，詳情及訂購可瀏覽︰http://goo.gl/Bq8Hhb。