一田Back to school迎新學年 精選貨優惠低至6折

仲有兩個幾禮拜就開學，相信好多家長同學生都開始為開學添置新文具同衫褲鞋襪。黛安知道，一田喺即日起至9月2日期間舉行「YATA Back to school元気満々開學式！」，有過500款產品陪學童迎新學年，包括防藍光眼鏡同埋護脊書包，部分貨品仲低至6折，部分護脊書包就以85折發售。

一田百貨行政總裁黃思麗（Susanna）同黛安講，臨近開學，為了解書包重量同埋電子教學對學童嘅影響，一田今個月做咗個網上問卷調查，結果有逾6成受訪家長話仔女讀嘅小學推行電子教學，亦有35%家長話仔女眼睛有健康問題，主要係近視同散光，仲有近8成半家長認為子女書包過重。

Susanna話，書包過重對學童背脊造成負擔，所以一田特別搜羅咗150款有唔同功能嘅護脊書包，包括超輕同埋有腰扣嘅款；而針對學童眼睛，就有防藍光眼鏡同護眼枱燈。Susanna仲推介童裝內衣，大部分優惠低至6折！

另外，Susanna仲同黛安講，為咗迎接中秋，一田即日起推出17款中秋果籃同埋禮盒，價格介乎388至2,158蚊，用嚟送禮夠晒體面喇！