海洋公園×Sanrio 玩轉可愛萬聖節派對

仲有兩個月先到10月，但海洋公園已率先公布今年嘅「哈囉喂全日祭」細節。同以往唔同，今年園方決定搞搞新意思，首次同Sanrio合作，舉辦香港有史以嚟最大型嘅Sanrio角色哈囉喂派對，為園區嘅陣陣驚嚇，帶嚟不一樣嘅可愛元素！

聽公關姊妹講，原來Hello Kitty嘅南瓜伯爵造型已率先曝光，而其他Sanrio角色將會換上海洋公園限定萬聖節造型，同咁多位粉絲一齊歡度「HELLO-WEEN」，黛安聽講園區到時仲會推出限定版精品同美食，記得唔好錯過啊！

姊妹仲話，凡喺8月13日至9月9日期間，購買海洋公園智紛全年入場證優越卡或金卡，唔單止可以享受園內餐飲同購物優惠，更會獲贈Sanrio家族哈囉喂限量珍藏襟章連頸繩套裝1份，同享受1次同Sanrio家族合照嘅特快通行機會。

其他Sanrio成員嘅萬聖節造型同主題景點，將會喺8月23日公布，身為Sanrio同哈囉喂粉絲嘅黛安，會密切留意呢！