麥當勞送免費奶茶 明日每店派1000杯

麥當勞又派免費奶茶啦！黛安知道麥當勞之前舉辦嘅「麥當勞奶茶日」活動，非常受歡迎，所以聽日（8號）再度出擊，係指定餐廳派發1,000杯港式奶茶。香噴噴嘅奶茶，飲完即刻醒神晒！

聽公關姊妹講，麥當勞再一次聯乘香港首屈一指、擁有86年歷史嘅啡茶供應商「捷榮集團」，喺聽日舉行「麥當勞奶茶Morning Call」，每間餐廳朝早7點起，會免費派發1,000杯凍或熱嘅港式奶茶！

如果攞唔到都唔緊要，姊妹話「港式奶茶免費換領劵」會喺今個星期四（9號），喺麥當勞App畀大家下載同隨免費報章派發，今個星期四至五可以去到指定分店免費換領港式奶茶啦。姊妹話，麥當勞嘅港式奶茶茶底，係用咗100%優質高山錫蘭茶葉調配，難怪有濃郁茶香，講起都想飲番杯啊！

一個Good Morning，除咗一杯港式奶茶，又點少得歎番個醒神早餐！黛安就最愛炒雙蛋系列，炒雙蛋火腿堡同炒雙蛋牛堡，全部都用咗A級雞蛋，非常新鮮，再配搭鬆軟麵包同煎香嘅火腿扒或牛肉餅，夠晒滋味。食完返工，打工仔全日工作都充滿朝氣。