56，你服唔服？

3天前

最近，香港布滿了特工。先來《超人特工隊2》，彼思動畫今次玩得非常政治正確，討好了全世界尤其是女人。超能先生Bob留在家湊仔女教功課，辛苦過返工；彈弓女俠Helen出去拯救世界，輕易贏晒！唏，阿媽唔易做呀！你試下就知！喂，女人剛柔並重，辦事能力超強！都2018年了，這些論調一早已知，何況香港女人之tough之叻之multitask可能是亞洲之最，由來已久。眼見很多女同事平時指揮大局游刃有餘，一到放大假、放暑假便投入全天候湊仔大project，雖然開心卻辛苦到精力、精神燃燒殆盡，每次回歸工作大隊，一個二個都清減了不少kg……

除了大讚女人，更表揚了下一代，最後關頭還是仔女救地球。Jack Jack人見人愛，身懷17種超能力，雖然難以控制卻是驚喜連連。坐在我身旁的大男人，帶了一家大小來睇戲，他幾乎未停過咭咭大笑，可見這電影真的很成功，令人忘記現實煩惱，非常incredible！

2天前

然後再去睇《職業特工隊--叛逆之謎》！56歲的湯告魯斯飛天遁地真人拼搏，是踏入第22年的電影系列，當然要捧場。出乎我意料，竟然無乜冷場，Halo跳傘、廁所混戰、倫敦跳天台，令人不得不向湯特工致敬。最深印象是音樂編排，層層遞進，與影像配合得很出色，好認真。

56歲玩呢啲，可能是全球賣座的其中主要原因，就是想睇你玩得幾出色。有人會話，唓又肥又老，走得又慢又論盡；有人就話，嘩算係咁，好厲害，佩服佩服呀！挑剔或欣賞，湯特工都已經挑戰成功，上埋名嘴show玩Skydive宣傳，落力到飛起！http://youtu.be/G1wsCworwWk

有些電影，即使無乜劇情無乜好記，也會令人覺得值回票價，Mission Possible！

（本欄逢周二刊登）