利東街化身法式浪漫花園 同小王子打卡

相信大家一定聽過「小王子」呢個童話故事？為咗提醒各位保持真摯嘅心對待自己心中個朵「玫瑰花」，黛安知道灣仔利東街即日起至今個月26號，會以「小王子法式浪漫花園」做主題，設置一系列糅合咗小王子同法國情懷嘅婚嫁巡禮及工作坊，期間中庭仲會有個小王子「紅玫瑰花藝迷宮」，又展出法國古董婚紗、客製化回禮禮物、盛載故事嘅香水、古董蕾絲飾物等，好浪漫！相信一定成為打卡熱點。

有靚景，仲有優惠！活動期間，仲會推出一系列優惠，好似訂購Forever Couple結婚對戒可享八折優惠及獲贈10粒鑽石（0.9mm）、Lucky Blossoms訂購Hallmark保鮮花球可享八八折等。