信興日本Style 新推美姿座墊梳化

都市人尤其辦公室一族，日日坐8、9個鐘，坐姿真係好重要！如果成日用不良姿勢坐喺度睇電視、用電腦，真係好傷腰骨。最近黛安去咗個信興創美舉辦嘅活動，見到佢哋代理嘅日本品牌Style新推出咗幾款座墊梳化等，即刻介紹畀啲好姊妹用！

Style以「脊椎矯正療法」嘅原理引導正確姿態，在脊椎治療師嘅監督下獨家研發能夠矯正坐姿嘅「三點支撑」功能，防止腰椎同盤骨歪斜。座墊實用之餘仲睇得，少女心嘅黛安就最鍾意粉紅色毛毛嘅「Style ChouChou」；紫色絲絨質地嘅「Style Elegant」睇落咁高貴，放喺office就最啱啦！

新推出仲有「Dr. Chair」梳化，細細地啱晒香港嘅窩居。最吸引黛安嘅就係佢哋同日本國家隊後衞長友佑都共同研發嘅「Style BX」，只要着住就可以無時無刻矯正姿態，不再駝背。另外仲有「Athlete Pole」幫助伸展放鬆肌肉，以後上班一族就可以坐得健康又舒服啦！