華潤堂儲印花 半價換樂信家電

華潤堂新一輪印花換購活動又嚟啦！上次「Rasonic樂信」至潮家電掀起一陣換購風之後，黛安收到風，知道今次再幫大家搜羅咗三款樂信人氣家電，由即日起至9月13日，只要儲定指定數目嘅印花，就可以用低至半價嘅價錢換購，仲包1年原廠保養！

公關姊妹話，今次嘅家電包括樂信牌5合1多功能榨汁攪拌機、樂信牌電熱水瓶同樂信牌直立扇，只要喺華潤堂購物淨額每滿$50，就有1個印花，華潤堂會員用15個印花，再加低至半價嘅價錢就可以換購啦！好似直立扇，原價要$1,198，依家換購價$599咋，咁着數，黛安已經叫埋班姊妹一齊儲印花！