7-Eleven三重賞 DSE放榜 請考生歎思樂冰

7月11日係7-Eleven嘅大日子，黛安知道7-Eleven會有一連串活動優惠，同大家一齊慶祝！

聽公關姊妹講，喺呢日咁特別嘅日子，7-Eleven準備咗三大驚喜畀顧客，第一擊係只要於7月11號當日，買任何指定7-SIGNATURE三文治1件，即刻送一支道地解茶，幫大家消消暑！第二擊係適逢DSE於7月11號放榜，應屆考生只要去到有售賣思樂冰或自由斟嘅7-Eleven店舖，出示香港中學文憑考試成績通知書，每人可以免費獲贈一杯迷你思樂冰，或者細杯自由斟，同大家一齊面對放榜！

至於最後一擊，就係上星期開始嘅「百變組合BOX」換購計劃，公關姊妹話，計劃非常受歡迎，為咗令大家更快換得心頭好，7-Eleven特別喺7月11號至13號，加推約200件指定7-SIGNATURE產品，包括龍鳳茶樓點心系列、7-SIGNATURE意粉系列同7-SIGNATURE三文治等等，購買上述任何產品即刻額外賞你多一個印花！嘩，黛安決定叫埋姊妹們一齊去買，多買多賞！