「P助與粉紅兔兔」精品 登陸大昌食品

黛安一向少女心爆燈，最鍾意就係收集卡通精品。最近班公關姊妹話我知，原來「P助與粉紅兔兔」幾日前已經登陸大昌食品，等緊各位粉絲！依家大昌顧客只要買滿$88，就可以用換購價買P助同粉紅兔兔嘅郊遊用品，畀多$388仲可以將佢哋成套帶晒返屋企！

例如顧客買滿$88，就可以加$58蚊換購環保袋或者雙層杯連飲管，個杯仲附送飲管清潔刷，洗飲管時包保乾淨。加$78蚊就有摺傘連袋或便攜式電風扇，風扇仲設有自然風模式，吹5秒停5秒，夠晒環保啦！如果加多$168蚊仲可以買到簡便自動開啟帳篷，唔只便於收納，仲有個防UV帳篷面，啱晒一班怕曬嘅姊妹出去玩啦！

黛安已經約定班姊妹，一陣收工就去掃貨，一於帶晒佢哋返屋企！