香港迪士尼10K Weekend 2018 本周四起報名

香港迪士尼第三屆「10K Weekend 2018-AIA Vitality健康程式全力支持」，會喺11月3至4號舉行，黛安知道今年會以迪士尼．彼思動畫做主題，超過100位嚟自《反斗奇兵》、《怪獸大學》等等主角會同大家打氣，啱晒一家大細參加啊！

公關姊妹話，今屆會分「超人特工隊10公里跑」、「怪獸大學5公里跑」、「反斗奇兵3公里跑」同「米奇與好友兒童跑」，任何年齡都可以參與其中。想參加嘅話，可以喺今個星期四開始，至8月28號去http://www.hongkongdisneyland.com/events/10k-weekend-2018/報名，成功報名即刻送選手包，入面有活動主題T恤、號碼布等。報名費由260至550元不等。

姊妹仲話，活動會向東華三院捐出部分收益，同1,000張迪士尼門票。咁有意義，黛安都要參加！