白桃紅桑子 vs 黃桃乳酪 齊歎Häagen-Dazs新口味

黛安啱啱收到好姊妹嘅推介，試咗Häagen-Dazs新出嘅白桃紅桑子雪糕同黃桃乳酪雪糕，香甜清新味道，加上啖啖果肉，好食到停唔到口啊！

姊妹話，新口味用咗當造嘅水漾白桃同紅桑子，將白桃果肉混入紅桑子醬入面，配上絲滑雪糕，估唔到咁夾。而黃桃乳酪雪糕，就用咗希臘果園栽種嘅地中海黃桃，係最佳收成期採摘，結合法國牛奶同鮮忌廉打造嘅清新酸甜乳酪雪糕，酸酸甜甜，感覺啱啱好。

大家即日起可以係各大便利店、超級市場同日資超市買啦！迷你杯賣$29.9，家庭裝賣$75.9。而且即日至18號，二人同行用八達通係Häagen-Dazs專門店買雪糕，$68就有雙球雪糕兩客，買1送1，每客仲送社企iBakery手工曲奇餅1件！快啲試下啦！