東薈城×香港業餘管弦樂團 一連3周演奏經典兒歌

黛安不時都會去東涌嘅東薈城shopping，因為嗰度多outlet，價錢又平，真係行到唔想走！黛安知道，東薈城將同香港業餘管弦樂團（HKAO）合作，由6月10日嘅星期日開始，連續3個星期日，HKAO會喺東薈城名店倉露天廣場舉行《樂韻悠揚經典兒歌演奏會》，演奏會以「環球經典」、「迪士尼經典」和「港式情懷」為主題，樂團會演繹多首大家耳熟能詳、膾炙人口嘅兒歌，好似多啦A夢、世界真細小、足球小將、Let it Go、超人迪加等，連黛安最鍾意嘅美少女戰士都有！真係老中青三代都啱聽！

《樂韻悠揚經典兒歌演奏會》演出時間喺下午2時30分及下午3時30分，每節半個鐘，大家購物行到攰嘅時候，記得要去聽下兒歌！