黛安
黛安

六月賀壽優惠 生日周免費遊海洋公園

發佈時間: 2018/05/31

六月賀壽優惠 生日周免費遊海洋公園

趁生日去海洋公園免費玩一轉,成為不少港人的指定動作。黛安收到風,6月生日之星有福啦,就係生日唔使一定要正日先有優惠,喺生日起計7日內可免費進園一次!點解咁正?原來海洋公園嘅二趾樹懶「Sonic」、小熊貓「聰聰」及「泰山」都係6月生日,公園為慶祝呢三位小可愛生日,一次過同六月壽星一齊慶祝。

聽公關姊妹講,6月壽星仔女、65歲或以上長者,更可以7折優惠為多達4位同行親友購買即日門票,真係可考慮齊齊去海洋公園慶祝。而壽星們在園內任何餐廳消費滿300元,即享100元折扣優惠,喺禮品店消費滿港幣500元,亦可享八五折優惠,65歲或以上長者更可獲贈一套集「吃、喝、玩」嘅園內優惠券。

講番三位6月壽星,護理員特別以蔬果製成色彩繽紛嘅生日蛋糕畀佢哋品嘗,其中小熊貓「聰聰」同「泰山」生日相隔只3日,同樣鍾意食蘋果及蜜梨,今次真係有食神啦。

撰文: 黛安 消息特靈八卦公關
欄名: 八卦名利場