旅發局前綫職員 獲機管局最熱心員工大獎

旅發局又攞獎啦！旅發局企業事務總經理梁美寶（Cynthia）同黛安講，機管局近來舉辦咗一個「樂意效勞」頒獎典禮，表揚唔同組別嘅駐機場員工，其中旅發局大豐收，獲得「政府及相關機構組別」嘅最熱心機場員工獎第一名，即係贏得旅客最多票！而且頭6名獲獎都係旅發局同事，真係可喜可賀！

Cynthia話，前綫員工係一份好有挑戰性嘅工作，因任何行入客戶服務中心嘅旅客都係老闆，要佢哋開心行出去係前綫員工嘅mission，所以好多謝前綫同事嘅努力，「知道你哋企得好辛苦、要記咁多資料唔容易、要配合我嘅要求更唔容易」。