中環摩天輪 喜迎第888888名訪客

自中環海濱「香港摩天輪」重開之後，黛安都同班姊妹坐過幾次，欣賞下幾時睇都咁靚嘅維港景色。公關姊妹就話，原來噚日摩天輪迎接咗第888,888位訪客，好厲害啊！

姊妹話，剛剛喺今年3月就已經慶祝咗第50萬名訪客，估唔到兩個月之後，噚日就迎嚟第888,888位。黛安就話，一定係同20元票價有關，自從舊年年底重開後，成人票價就改為20元，長者10元，3歲以下小童更加可以免費坐。咁吸引嘅價錢，加上可以睇到咁靚嘅景色，好難唔成日嚟啦。姊妹聽完就話，一定會好快突破100萬！

友邦香港及澳門首席執行官顧培德都話，摩天輪隔籬嘅AIA Vitality公園，陸續舉辦唔同免費康體活動，好有信心可以喺短時間內突破100萬！