化身3D八達通 小丸子陪你返工

充滿童真嘅小丸子，大人細路都鍾意。5月係小丸子嘅生日，八達通會推出3款3D八達通同小丸子慶祝，唔止小丸子會戴番個皇冠仔，着番條粉紅色裙仔，好似公主咁登場。「富二代」花輪同學同埋野口同學都會日日陪住你返工，真係每次嘟八達通都會心微笑。

公關姐妹同黛安講，今次3D小丸子八達通會喺下個星期三（9日）朝早7點開始，喺全綫7-Eleven有得買，每款都係$188；而且配飾仲有埋佢地嘅生日名牌，以後實會記得佢哋嘅生日，做粉絲緊係唔會錯過啦！