23本地設計師品牌 雲集元創方開Show

時尚達人有福喇！時尚網站FASHIONALLY.com會喺下星期五（27日）起，喺中環元創方PMQ舉辦期間限定活動「廿三感23 SENSES」，活動集結咗23個本地設計師品牌，大家可以一次過睇晒咁多個品牌嘅2018春夏系列！黛安知道，只要喺參與商戶度買兩件或以上貨品，就可享九折優惠同埋精美禮品，仲有機會得到由插畫家Calvin Kwok設計嘅手繪肖像tee一件！

另外，只要喺參與商戶（香港．設計廊除外）買嘢即可得到蓋印一個，憑有蓋印收據去PMQ嘅書店咖啡室Garden Meow買嘢都可以有九折㗎。