四洲 × 英雄互娛 6月推《全民槍戰3》四洲牛奶

四洲集團嘅食品一直陪伴住黛安成長，尤其是四洲紫菜、明治朱古力、樂天熊仔餅等，更加係幾代人嘅童年必備零食！喺呢個電競狂熱嘅年代，估唔到四洲「踩過界」同移動電競龍頭企業英雄互娛集團合作，相信嚟緊呢個世代嘅年輕人都繼續有四洲陪住佢哋長大喇！

黛安知道噚日四洲集團同英雄互娛集團簽咗戰略合作協議，啟動「新零售、新電商」跨界嘗試，除咗會為熱爆台灣嘅《全民槍戰》系列遊戲打造電競主題館，今年6月佢哋仲會喺中港兩地聯合推出特別版四洲牛奶，配合英雄互娛內地版《全民槍戰3》上綫發行。到時《全民槍戰3》會將四洲牛奶仔同四洲紫菜植入遊戲入面，同玩家進行互動！到時仲會舉辦抽獎，獎品有現金獎、iPhone X、日本豪華旅遊、四洲牛奶金牛擺設！