買平靚正波爾多佳釀 認住Castillon

黛安有個好姊妹Winnie，以前喺《讀者文摘》做Marketing Director，後來涉足出版界，現於葡萄酒直銷公司樂事會擔任營運總監。

上星期佢嘅公司創辦人Tony Laithwaite嚟咗香港，並於名廚Eddy（梁偉灝）開設嘅法國餐廳Chez Ed舉行wine pairing dinner，黛安都獲邀出席。

Tony從事呢門生意已經50年，不時到世界各地搜羅精品酒莊嘅佳釀直銷，佢於法國及澳洲亦有自己嘅葡萄園，生產自家品牌葡萄酒。當晚飲嘅六支葡萄酒都由佢嘅酒莊出品；其中，黛安最喜歡2015年出產的Château La Clarière Laithwaite，聞落富果香，口感順滑，帶點莓果和呍呢嗱的香氣。

聽Winnie介紹，該酒產自法國波爾多的Castillon，與高檔酒區Saint Emilion為鄰，兩個酒區擁有一樣的土壤，連土地的斜度以至承受日照的情況都一樣，所以兩者品質相近，但Castillon的酒價錢只是Saint Emilion的一半，真係物超所值呢！下次想買平靚正嘅波爾多酒，不妨留意一下。