迪士尼春季盛會 載歌載舞繽紛show

冬去春來，黛安同大家一樣都感受到春天氣息，事關香港迪士尼即日起到6月20日將推出春季盛會，精采節目全日不停上演。首先，每日中午起會有「迪士尼明星嘉年華列車」，美國小鎮大街奏起悅耳嘅樂章，一眾迪士尼朋友換上春裝一齊載歌載舞。到夜晚又會有“We Love Mickey！”大街投影盛演，炫目光影投射喺大街兩旁嘅屋上，幻化成米奇星光大街。咁多精采節目，黛安已經約定好姊妹去玩番日啦。

3主題酒店提供50款春日美食

公關姊妹同我講，近100隻迪士尼朋友同Marvel超級英雄主題花蛋布滿樂園同酒店，供賓客一齊「猜猜誰‧尋尋蛋」。除咗有得玩，仲會有一系列春日特色商品，包括Duffy同好友春日系列、復活節主題系列，迪士尼花蛋造型系列。

樂園同三間主題酒店又會有超過50款春日美食，好似市集餅店推出Duffy同ShellieMay造型嘅甜甜圈、StellaLou紫薯慕絲、青檸冰冰。園區同酒店餐廳會提供多款春日主題套餐，好似皇室宴會廳嘅「春日二人晚餐自製杯裝蛋糕工作坊」、米奇廚師餐廳嘅「米奇廚師家庭樂」自助晚餐連親子彩蛋曲奇DIY等。