幼聯教學活動 寓遊戲於學習

黛安平時family day既有「老友記」、又有小朋友，要搵合家歡節目真係唔易！我哋最鍾意去荃灣愉景新城「食買玩」，噚日又畀我哋發現商場有新活動！原來係香港幼兒教育及服務聯會舉辦嘅「幼聯傳家愛流動學習中心」，透過好玩嘅非形式教育活動，激發兒童腦部發展，一邊享受親子時光一邊學習，玩到我哋都唔捨得走！

已經係3女之母嘅滴露代言人Suki徐菁遙，噚日都有出席活動巡禮，佢話希望喺教導囡囡嘅過程中可以提高佢哋嘅創意，寓遊戲於學習，今次活動就正好，可以畀佢偷師！

現場有4個唔同嘅活動，包括結合STEAM元素嘅遊戲、環保種植工作坊、Kick Boxing區，黛安就覺得幼聯同滴露合作嘅「Play to Gain MAD English」最特別，通過講故事、唱歌、Messy Play同手工藝等學英文，啱晒怕悶嘅小朋友。