AEON開倉特賣 2折齊掃貨

春夏即將到來，又到換季好日子。黛安收到消息，明日（13日）到22日期間，喺荔枝角、大窩口、荃灣同九龍城嘅4間AEON分店會分別舉行「開倉大特賣」，好多家品例如廚具、寢具、電器等都低至2折起發售，其中MEYER易潔鍋具套裝原價$1,029，開倉期間只要$299就有。嘩，真係好抵！

AEON公關姊妹同黛安講，4間AEON分店係「開倉大特賣」期間會有唔同限定特賣品。荔枝角及大窩口店有一系列嘅運動貨品，好似adidas、le coq sportif、PUMA等名牌運動T恤/長褲，以低於4折價格發售。

大窩口、荔枝角、九龍城店就有限定寢室用品，價錢以均一價發售，最平$88至最貴$179；荔枝角店仲有低至6折發售LG電視陳列品、半價發售家庭電器、洗衣機陳列品等。