煤氣義工整熱狗 籌款義捐智能廁板

元宵佳節除咗同情人一齊過，都可以做好多有意思嘅事。黛安知道上星期五，煤氣公司常務董事陳永堅（Alfred）夫婦及一班同事，就齊齊喺「2018永堅園MAD DOG溫馨暖意慈善活動」中搓湯圓、整熱狗籌款，善款會用嚟買電動智能廁板畀社福機構，等受助人可以舒舒服服如廁，提升生活質素。

聽公關姊妹講，原來呢個計劃已經搞咗4年，累積整咗成2,350份Mad Dog套餐，籌咗$118萬善款咁多，大大話話已捐咗逾260套電動智能廁板畀超過60間社福機構𠻹。Alfred仲話，未來計劃幫院舍裝埋浴室暖風機，等受助人冬天可以舒舒服服沖涼咁話。