華為櫻粉金Mate 10 Pro 情人節最佳禮物

情人節話咁快就嚟，各位男士準備好禮物未？黛安噚日見到華為消費者業務大中華區副總裁何鴻略（Andy），見佢用緊旗下嘅Mate 10 Pro手機，影相效果令黛安眼前一亮，Andy話近日出咗櫻粉金色，並用玫瑰金色邊框設計，喺女性最喜愛嘅顏色。各男友們、老公們，選購禮物時可以多個選擇啦。

Andy仲同黛安講，華為產品喺香港市場漸受歡迎，今年會推出10款產品，除手機外亦有平板手提電腦，並會喺商場舉行9至10場路演，預計今年銷售額會高於比去年嘅40%增長。佢更透露，未來即將加強宣傳，而且部署緊喺香港嘅旺區開首間專門店，仲強調唔會淨係擺張枱展示產品，希望可以畀到用家全面體驗。