百年天文台歷史展覽 台長出動私人珍藏

呢排天氣咁凍，相信姐妹們都有緊貼天氣預告。講起天氣，原來香港天文台已成立咗135年啦，政府檔案處就同香港天文台最近合辦「百年風雲︰檔案裏的天文台故事」展覽，展示逾40份天文台珍貴影像、刊物同報告書等，回顧天文台嘅轉變同發展，唔講唔知，天文台初期只得台長同助理2名職員！由今日起至12月31日，市民去香港歷史檔案署就有得睇啦！

天文台台長岑智明話，今次展覽展示咗天文台鮮為人知嘅故事，包括成立原因同當年嘅監測儀器等，原來當年唔少儀器都要手動，「依家科技已進步咗好多，睇返先知原來變化好大。」今次展覽，台長仲拎出私人收藏嘅氣壓圖畀市民觀賞。原來呢張氣壓圖係好多年前喺英國旅行時買嘅，世上只得一張，咁珍貴，各位當然要去睇睇啦！