富衛夥7-Eleven 推保險理賠服務

富衛香港同7-Eleven合作推出全港首個創新嘅保險claim錢方法，即日起客戶可透過富衛手機程式，出示電話收到嘅QR code短訊，就可喺港鐵站內135間嘅7-Eleven claim錢攞現金，不過索償額只可係$3,000或以下。黛安覺得好方便，即刻將呢個好消息話畀身邊姊妹知。

富衛香港業務拓展部主管梁鎮業話，今次夥拍全港最大型嘅連鎖便利店集團，令客戶可在數秒間攞到現金，畀到客戶用支票或直接存入銀行戶口以外嘅全新選擇。

7-Eleven香港及澳門高級電子業務發展經理林潔華就話，今次再度同富衛香港合作，為客戶提供全新嘅保險理賠支付服務，令服務變得更多元化。