煤氣公司終於有女學徒！

今時今日煤氣嘅用途愈趨廣泛，所以煤氣公司將會與職業訓練局合作，舉辦首個燃氣工程專業文憑課程，堂上會教授燃氣生產、輸配及應用等專業知識，學費約$3.5萬，今年5月接受報名，7月上堂。

咪以為喺前綫工作嘅一定係男人，有50年招收學徒歷史嘅煤氣公司，舊年第一次收到女學徒，聽講佢係因為對機械感興趣而入行。但佢坦認女性力量始終不及男性，所以要學用唔同工具協助完成某啲工序，認真叻女。