宅卡B薯條禮盒 隱藏驚喜圖案

每年農曆新年，黛安屋企都會收到好多唔同類型嘅禮盒，食極都食唔晒！如果大家都想買啲與別不同、有新意啲嘅禮盒，黛安就推薦卡樂B宅卡B薯條嘅驚喜禮盒裝，呢個禮盒睇落以為好普通，但只要拉出內盒就會變出隱藏圖案。而且入面有4款人氣口味嘅宅卡B薯條，同埋睇得又用得嘅Potta杯蓋，絕不欺場㗎！

禮盒入面有4款薯條分別係原味、紫菜味、日式芥末味、同埋原味紫薯條，包你搵到心水口味，新年一班人一齊食就啱晒。禮盒會喺Calbee+、零食物語同埋各大超市有得賣，如果有朋友送呢個禮盒畀黛安就好喇！