元旦全日供應早餐 麥當勞陪你慶新年

仲有兩日就迎接2018年，黛安知道麥當勞喺2018年1月1日凌晨12點，至晚上11時59分會提供全日早餐，新一年為大家送上最豐盛嘅Good Morning！

呢個Good Morning早餐仲有驚喜價，精選早晨套餐同熱香餅精選套餐賣26蚊，珍寶套餐都只係加2蚊，28蚊就食到啦！公關姐妹仲話，大受歡迎嘅Skippy花生醬熱香餅會再次推出，可以揀配Skippy花生醬之外，仲有朱古力醬、士多啤梨醬或經典熱香餅糖漿畀大家揀。2018年1月1號，無論玩到幾點，都可以精神飽滿咁開展新一年啦！