希慎禮頓中心 平租予年輕人創業

香港租金高昂，好多創業青年都未必負擔到租一個office。希慎興業喺今年年中就將3個位於禮頓中心，面積介乎800到1,000呎嘅辦公室，以超特惠租金租畀非牟利機構，包括近來爆紅嘅Pokeguide。

Pokeguide係由兩個80後創辦，黛安同創辦人之一許沛然（Brian）傾開，佢話辦公室可以開喺市中心銅鑼灣，實在幫助好大，方便做research、招聘、同唔同品牌接觸等，租金仲要好優惠，「好感恩，多謝希慎嘅支持，佢哋亦會畀一啲商業指導，獲益良多。」

公關姐妹話，希慎今次絕對係益街坊，仲講明話希望將來有機會合作。除咗Pokeguide外，仲有兩間NGO，分別係研究生死議題嘅「啟民創企」、培育年輕人藝術發展嘅「誇啦啦藝術集匯」。香港年輕人一定要堅持追夢啊！